Rəzalətin taxtı – tacın haqq yolunda viran etdin.


Yezidlərin, Şimrlərin gülən gözün giryan etdin.

İlahinin dərgahına sərkərdə tək öndə getdin –

Şəhidlərin Sultanısan ya Hüseyn, ya Hüseyn!

Torpağına qurban olum, çün Kərbəla torpağıdır.

Bayrağına qurban olum, o Ələmdar bayrağıdır.

Çırağına qurban olum, o Zəhranın çırağıdır –

Şəhidlərin Sultanısan ya Hüseyn, ya Hüseyn!

Zəvvarların əskilməyir gecə - gündüz axın – axın.

Ey insanlar! Bir oyanın gedin yaxın, baxın – baxın!

Həzrət Abbas aşiqləri, zülmətlərə şimşək çaxın!

Şəhidlərin Sultanısan ya Hüseyn, ya Hüseyn!
Yalvarıram, iltimas et, Həzrət Əli versin izin.

Cəbrayılı qəbul eylə, gəlsin ora dizin – dizin...

Bargahına sürtülməkdən qabar olsun əlim – üzüm –

Şəhidlərin Sultanısan ya Hüseyn, ya Hüseyn!

Şahinlərin Sultanısan ya Hüseyn, ya Hüseyn!
05.06.2007.

Hacı Cəbrayıl Xıdırov