hedis.

1. Həzrət Peyğəmbər (s) buyurur: “İstənilən dəyərli bir işə “Bismillahir-Rəhmanir-Rəhim”siz başlanılsa, bu iş naqis və bəhrəsiz olar.”


2. Həzrət Peyğəmbər (s) buyurur: “Bismillahir-Rəhmanir-Rəhim”lə başlanılan dua rədd edilməz.”

3. İmam Sadiq (ə) buyurur: “Olsun ki, bizim bəzi şiələrimiz işlərin başlanğıcında “Bismillahir-Rəhmanir-Rəhim” deməyi unutsunlar. Nəticədə Allah-taala onları narahatçılıqlarla üzləşdirər ki, qəflətdən ayılıb, Allaha şükür-səna deməklə bu səhvi əməl dəftərlərindən paklasınlar.”

4. İmam Sadiq (ə) buyurur: “Hər kəs qəm-qüssə ilə üzləşərsə, üzünü səmaya tutub üç dəfə “Bismillahir-Rəhmanir-Rəhim” desin. Allah-taala qurtuluş yolunu həmin şəxsə aşkarlayar və qəm-qüssəni ondan uzaq edər.”

5. Həzrət Əli (ə) buyurur: “Sizlərdən hər kəs öz dükanına yaxınlaşarsa, ilk olaraq “Bismillahir-Rəhmanir-Rəhim” söyləsin ki, şeytan oradan uzaqlaşsın. Evə daxil olduğunuz zaman da öncə “Bismillahir-Rəhmanir-Rəhim” söyləyin - bu iş Allahın bərəkətini nazil edər və mələklər həmin evlə rabitə yaradar.



Həyat çətinliklərsiz ötüşmür. İnsan bütün çətinliklərdən sıxılsa da onların bəziləri həyati əhəmiyyət kəsb edir.

İnsanların ən çətin vəziyyəti aşağıdakı 4 haldır:

1. Ölüm hadisəsi, canın çıxması;

2. Nəkir və Münkirin sorğu-sualı;

3. Qiyamətdə yenidən oyanış;

4. Sirat körpüsündən keçmək.



Məhz bu müstəsna təhlükəli məqamlarda “Biamillahir-Rəhmair-Rəhim” insanın köməyinə gəlir.

Mömin şəxs can verən zaman “Bismillahir-Rəhmanir-Rəhim” desə, ölüm hadisəsi onun üçün asanlaşar.

İnsan qəbir zülmətində “Bismillahir-Rəhmanir-Rəhim” desə, torpaq onun üçün gülzara çevrilər.

Qiyamətdə yenidən oyanış zamanı kim “Bismillahir-Rəhmanir-Rəhim” desə, çöhrəsi ay kimi nurlu və gözəl olar.

Sirat körpüsünə ayaq qoyan zaman kim “Bismillahir-Rəhmanir-Rəhim” desə, cəhənnəm alovu ondan uzaqlaşar.



“Bismillahir-Rəhmanir-Rəhim” demək bütün hallarda faydalı olsa da, müəyyən məqamlarda onun dilə gətirilməsi daha çox əhəmiyyət kəsb edir.

“Bismillahir-Rəhmanir-Rəhim” deməyin mühüm məqamları:

1. Sözə başlayan zaman;

2. Quran oxumağa başlarkən;

3. Yatmazdan öncə;

4. Yemək və içmək zamanı;

5. Kişi öz həyat yoldaşı ilə xəlvətə çəkilərkən;

6. Evə daxil olarkən;

7. Evdən çıxarkən;

8. Ürəyə vəsvəsə daxil olan zaman;

9. Məktub və yaddaş yazan zaman;

10. Bazara daxil olub, alış-verişə başlayarkən;

11. Qəmlə üzləşərkən;

12. Qəzəblənən zaman;

13. Tənhalıq zamanı;

14. Dəstəmaz alarkən;

15. Heyvanları kəsərkən;

16. Ağrı və xəstəlik hissləri yarandıqda;

17. Nəqliyyat vasitəsinə minərkən;

18. Mühakimə edərkən;

19. Zərərverici heyvan tərəfindən incidildikdə.





Mənbə: “Quran və həyat”