Hacı Cəbrayıl "Ləbbeykə, Əllahümmə Ləbbeyk"
Ləbbeykə, Əllahümmə Ləbbeyk

Üz tutub gəlmişəm dərgahına mən

Dilimdə Ləbbeyk, əlimdə Ələm!

Razıyam, Xudaya qapında öləm-

Ləbbeykə la şərikə ləkə Ləbbeyk!
Ərəfat çölünü gəzdim piyada...

Neyləyim!? Ömrümü vermişəm bada...

Xudaya! Bir sənsən yetən imdada –

Ləbbeykə la şərikə ləkə Ləbbeyk!
Çox şükür ölmədim, gördüm bu günü,

Açıldı qəlbimin dağı düyünü...

Müqəddəs torpağa sürtüm üzümü

Ləbbeykə la şərikə ləkə Ləbbeyk!
Kim bilir dünyanın necədir yaşı -

Kim tapıb ilk dəfə o "Qara” daşı.

Həzrət Əli, olub ilk vətəndaşı –

Müqəddəs Kəbənin, Allah evinin!
Bu sirri Xudadır anlamaq çətin.

Cəbrayıl! Zehnini Nur – etmiş mətin.

Şükür – səna eylə gəldi rəhmətin-

Ləbbeykə, Əllahümmə Ləbbeyk!

Ləbbeykə la şərikə ləkə Ləbbeyk!